Detalles do Evento

A Biblioteca Municipal de Coristanco convídavos a unha nova cita coa literatura e a emoción da palabra da man da autora Silvia Tasende Cotelo, quen presentará o seu poemario “Pel Memoria”, unha obra finalista do XIII Certame de Poesía López Ardeiro.

Pel Memoria é un poemario intenso e íntimo que transita pola paixón, o amor, o desexo e a memoria emocional, convidándonos a reflexionar sobre aquilo que nos move, nos transforma e nos fai sentir vivos. Unha obra escrita orixinalmente en galego e presentada nunha edición bilingüe, que combina sensibilidade, forza e beleza literaria.

Un encontro para achegarse á poesía desde a proximidade, coñecer de primeira man o proceso creativo da autora e compartir unha tarde de cultura, conversa e emoción.